شوية سلطات كده ومشهيات تزين السفره وتحلى طعم اكلك
** سلطه المايونيز
المقادير:
خضار مشكل(بسله -جزر -فاصوليا-بطاطس)
ذره اصفر وممكن طبعا نستغنى عنه حسب راحتك
كوب زبادى(لبن)
2 ملعقه كبيره مايونيز
ملح وفلفل وكارى
الطريقه
نضع الخضار فى الاناء ونضع قليل من الماء مع رشه ملح وفلفل ورشة كارى ويتسلق ويشرب ميته
طبعا البطاطس مكعبات وبنحطها فى اخر السلق لانها مش بتاخد وقت
ونضيف الذره بعد ما الكل يستوى
تترك تبرد ثم نضع الزبادى والمايونيز وتقلب
تقدم بارده
تفضل تقدم بجوار البانيه والبوفتيك والنواشف عموما
جربوها وقولوا رايكوا
** سلطة الفاصوليا
المقادير:
علية فاصوليا حمرا
فلفل الوان
علبة تونه
كمون
ليمون
ملح
الطريقه: هههههه افتحى علية الفاصوليه وصفيها من السائل وتوضع فى طبق وعليها علية التونه
والفلفل الاصفر والاحمر يقطع مكعبات صغيره ويضاف اليها الملح والكون واللمون واخلطيهم
تقدم مع الاسماك وخصوصا المقليه
** سلطة الكول سلو
المقادير:
جزر
كرنب سلطه
مايونيز
ملعقه كبيره عسل ابيض
الطريقه
ابشرى الجزره ناعم
قطعى الكرنب شرائح رفيعه او يمكن بشرها للمتمرسين فى المطبخ
يضاف العسل ويقلب معها ثو يضاف المايونيز
وتغطى وتوضع فى الثلاجه
ملحوظه: يفضل عملها قبل اكلها بساعه على الاقل لان مع وضعها فى الثلاجه تمزج سوائل الكرنب مع المايونيز ويصبح الطعم احلا
تقدم مع الساندويتشات
بالهنا