الصراحه

لعبة الصراحه

وهى عباره عن ان كل واحد هيسال اللى بعده سؤال
ولازم اللى بعده يجاوب بكل صراحه
وممكن تختار عضو معين تساله
بدون الدخول فى اسئله شخصيه محرجه
وانا شايف ان من خلال اللعبه دى ممكن نتعرف على بعض اكثر

وانا هبدا والسؤال للى هيدخل بعدى

هل انت انسان مؤذى ولا لا ؟
ولو مؤذى اذيت كام واحد فى حياتك؟

والله مفيش حد فينا ملاك طبعا بس انا مش مؤذية خالص و مش بحب اكون السبب في اذية حد

بس اكيد ممكن اكون اذيت من غير قصد بس افتكر اني اذيت شخص عن تعمد لانه اذاني فجدا و مع ذلك ندمت بعدها جدا

سؤالي بقي

حصل انك غشيت في امتحان ايام الدرراسة؟

ولو حصل و غشيت لتقفشت و لا الحكاية عدت عادي؟

هههههههه حلو الموضوع جدا يا محمد

انا ما غشتش خالص حتى المره اللى حاولت فيها كنت فى اولى جامعه وكنا بناخد فيزيا وكان فى قانون مطلع عينى مش عارفه احفظه كتبته على الاله الحاسبه هههههههه بس ما جاش اصلا
سؤالى:


انت بتكدب؟؟ اخر مره كدبت فيها امتى وعلى مين؟؟

تسلم يا بيكو على الموضوع جميل

هى كدبات خفيفه كده ربنا يسامحنا فيها
الكدبه انى كنت مش عايزه اتكلم مع حد ولما التليفون رن قلتلهم لو ليا التليفون قولوا نايمه
وفعلا التليفون كان لياااااا


موقف محرج لا تنساه ؟؟؟؟

هنحكى تانى للناس موقف الدكتور زوبع
كان عندنا دكتور فى الكليه اسمه احمد زوبع كان ضخم ومخيف واسالوا نونا تقولكم
وكنا بنخاف منه جدا لانه مؤذى ورخم وفى مره كان عندنا محاضره وهو كان متاخر وانا كنت حاطط الكتب بتاعتى فى المدرج وقاعد مع صحابى جنب المدرج بره وفجاه لمحته داخل المدرج جريت وهو كان دخل المحاضره لسه بخبط على الباب لقيته بصلى كده بصه غريبه ومش بيتكلم مش عارف ادخل ولا اخرج لغاية لما قالى انت داخل حديقة حيوان طبعا مش عرفت ارد والمدرج كله بيضحك عليا فضل ساكت شويه والكل بيضحك عليا وانا مش عارف اتكلم لغاية لما قالى كتبك فين روحت قولتله جوه قالى هاتها انا قولت لما يشوفها هيقولى اقعد علشان انا جاى من بدرى لقيته راح قالى اطلع بره قولتله شكرا وخرجت بس كنت عايز اولع فيه ههههههههههههههههههههه

هل تفضل الزواج عن حب ولا الزواج التقليدى ؟ ولماذا ؟

طبعا الزواج عن حب وبدون نقاش ، لماذا لانني عندما أتزوج شخص أحببته سوف أعيش معه حياة أفضل مليئة بالحب والتفاهم والمودة وتحمل مسؤولية أختياري وحتى أن وقعت مشاكل أو خلاف أو حتى أنفصال
فسيكون مختلف وأحيانا الحب يبقى حتى لو لم يحدث تفاهم لسبب ما


لماذا يستسلم الشاب أو الفتاة وييأسوا عندما تواجهم أي مشكلة؟

السؤال ده عموما مش ليه؟
انا مش بيأس بسهوله انا بحاول كتير وبالى طويل
بس عموما شخصية الشاب او البنت هى اللى بتسيطر على افكارهوكمان قلة الخبره بالحياه بتخليهم يشعروا بصدمه عند اول مشكله وبيحصل بعد الصدمه شلل فى التفكير رغم ان اوقات كتير الحل بيكون موجود جوه المشكله بس طريقة التفكير هى اللى بتخليهم يتوهوا
وهذا مجرد راى منى

انت بتزعل بسرعه؟؟ اخر مره زعلت من ايه؟؟

عمرى ما بزعل من الهزار
لكن لو الكلام بجد ممكن ازعل بسرعه لكن بصفى من اقل كلمه
واخر مره زعلت من انى سمعت كلام من حد عزيز عليا جدا ومكنتش متوقع منه كلام زى ده

لو ولد ما هى صفات فتاة احلامك ولو بنت ما هى صفات فارس احلامك ؟

مواصفات فارس احلامي

ذكي -طموح- متدين- عقلية متحضرة- متفاهم - حنون- يقدر المراة و يحترمها-طويل


نفسك تحقق ايه في خلال ال 10 سنين الجاية من عمرك؟

نفسى ربنا يكون راضى عناااااا
ونفسى المسلمين كلهم يبقوا بخير ومشاكلهم تخلص ويكون فى سلام
ونفسى ربنا يبارك فى صحه امى وابويا ويديهم العافيه فى حياتهم
ونفسى احفظ القرأن
ونفسى اثبت وجودى فى شغلى واكون مهندسه يعتمد عليها
ونفسى اقابل الانسان اللى يفهمنى وافهمه ويبقى زوجى بأذن الله
ونفسى ربنا يرزقنى بالذريه الصالحه واكون ام ناجحه فى بيتها
ايه الرغى الكتير ده معلش بقى مهما 10 سنين يعنى مش قليل

نفس السؤال؟؟؟؟؟؟؟؟

نفسي أرجع أعيش ببلدي العراق ويكون العراق والعالم الاسلامي كله بخير وسلام
نفسي يكون عندي بيت ملكي ويكفيني مايكون صغير وضيق ولا يكون كبير أكثر من حاجتي
وطبعا قبل كل هذا نفسي يكون ربنا راضي عني وموفقني في حياتي ويعطيني الصحة والعافية
والحمد لله على كل حال وفي الاخر نفسي ما أحتاج أحد ماديا في حياتي كلها يعني أكون مكتفية من غير ما أحتاج أحد

ماهي فتاة أحلام الشباب بشكل عام؟

بجد ربنا يكرمك كلكم وتحققوا كل اللى تتمنوه

فتاة احلامى انا شخصيا
اولا متدينه ومحترمه
ذو عقليه كبيره ومتفاهمه
مرحه ولذيذه ورشيقه
تكون شخصيه اجتماعيه
وطبعا تكون بتحبنى

ايه الحاجات اللى فى الرجاله ومش بتعجب البنات ؟
او بمعنى اخر
اذكرى بعض الصفات ال مش مستحبه فى الرجال؟

اوكي

الكذب
الخيانة والغدر
البرودو اللامبالاة
الانانية
عدم تحمل المسئولية

اذكر بعض الصفات اللي مش مستحبة في البنات ؟

الكذب والغدر والخيانه
العند والغرور والكبرياء الزايد عن اللزوم
ان تكون دماغها صغيره ونكديه

ما رايك فى موقف الاتحاد المصرى لكرة اليد وقراره فى الانسحاب من تنظيم بطولة الامم الافريقيه فى شهر فبراير؟

انا بدى أقول لك شيء انا مصرى وبشجع مصر والكورة الحلوة بس من ناحية الاتحاد والحاجات اللى ما لى فيها ما أقدرر أجاوب

هههههههههههه

بس عموما لازم نلعب مع الحيوانات الجزائرية مرة تانية

اللى بعدى لو صادفك حب من بين كتير وهو وهما بينهم صفات متشابهة تختار مين ؟؟؟؟

كلهم بينهم صفات متشابهة اتمنى اللى بعدى يكون ولد أشد للنصيحة وأيضا لو بنت تعرف انى بتكلم عن بنات

قرار صح 100%



لو حد غدر بيك و طلب تسامحه تعمل ايه؟

والله يا جماعه انا بزعل بس والله ومش بشيل من اى حد
خالص بس الحكايه وبما فيها انى لما بكون زعلان من اى حد مش
بكلمه خالص الا لما اروق واصفى لوحدى علشان انا مش بحب اكون منافق بينى وبين
نفسى علشان كده اكتر صحابى بيقولوا عليا ده بحالات


لو اى حد منصحابك طلب منك نصيحه وانت او انتى عارفه او عارف انها ممكن تزعله
موقفكاو موقفك هيكون ايه معاه او معاها

لا اكيد هقول النصيحه مش هبخل بيها بس ممكن اختار طريقه دبلوماسيه منها توصل النصيحه ومنها ما تجرحوش او تزعله
لكن الهروب مش طبعى


يلا اعترف بالعيب اللى فيك اللى الناس متعرفوش او مبتقولوش ليك

التسرع انا انسانة متسرعة جدا


اتعرضت للخيانة قبل كده؟

ممكن توضحى يا منال

الخيانه انواع بس انا هقولك

انا اتعرضت للخيانه كتير بجد لانى دائما ببدى حسن النيه ومش بحب
اخون اى حد بس الدنيا رتمها سريع جدا واحنا مش قدرين نجاريها ممكن
علشان لسه فيه عندنا بعض من عاداتنا وتقاليدنا التى نحتفظ بها



عندما تكون غضبان من اقدر انسان على امتصاص غضبك ده

صحبتى الانتيم اول فرد بيجى على بالى واكتر حد بيرحنى ويحول غضبى لراحه اذا ما كانتش سعاده


اكتر لون يتحبه؟ واكتر لون بتكرهه؟ واكتر لون بتلبسه؟؟

اللون الاصفر بموت فيه

الالوان المتداخله الى هى غير محدده بجد بتنرفزنى جدا

بموت فى الملابس البيضاء بس بتتوسخ بسرعه
بس بحب البس الالوان السماويه تى شرت او قمصان والبنطلونات ياكحلى او اسود

اكتر حاجه تغيظك من الى قدامك

لو كنت بتكلم وحسيت ولو للحظة انه مش مركز معايا

اكتر حاجة بتعبر عنك؟

مش فاهمه السؤال اوى
لو حاجه بتعبر عن حالتى هى عنيه فضييييييييييييييييحه


ايه اول تصرف تعمله وانت مخنوووق اوى؟؟