MANAL AMMAR WORLD
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدي يختص بكل ما يهم الشباب و البنات
 
الرئيسيةالبوابةأحدث الصورالتسجيلدخول

 

 جايبالكو طريقة الحمام المغربي في البيت بشرح مفصل ووافي

اذهب الى الأسفل 
2 مشترك
كاتب الموضوعرسالة
ISEL
عضو ذهبي
عضو ذهبي
ISEL


عدد المساهمات : 163
تاريخ التسجيل : 08/10/2009

جايبالكو طريقة الحمام المغربي في البيت بشرح مفصل ووافي Empty
مُساهمةموضوع: جايبالكو طريقة الحمام المغربي في البيت بشرح مفصل ووافي   جايبالكو طريقة الحمام المغربي في البيت بشرح مفصل ووافي I_icon_minitimeالإثنين نوفمبر 16, 2009 8:53 pm


الحمام المغربى
-----------

الحمام المغربى يعتبر من اجمل انواع تنضيف الجسم والتخلص من الخلايا الميتة المتراكمة على الجسم واستخدامة باستمرار بيفتح البشرة ويوحد لونها بصورة رهيبة واهل المغرب بيداموا على الحمام دة كل اسبوع ولكن عندنا فى مصر بيتعمل فى مراكز التجميل واغلب اللى بيعملوة العرايس علشان اسعارة بتكون غالية وانا النهاردة هقولكم على طريقة الحمام المغربى باسهل الطرق واسهل المواد المستخدمة وهنستخدم اكتر من بديل للمنتجات المستخدمة اللى بتجيب نفس النتيجة ويمكن احسن كمان وبلاش نجرى وراء اعلانات مراكز التجميل اللى هدفها الربح فقط يعنى لما يقولوا مينفعش تستخدمى غير الصابونة المغربية السودة اللى تمنها فوق 100 جنية يبقى ازاى يعنى اى حاجة تانى متنفعش ... هو دة كلام المراكز التجميلية اللى مش عايزة غير الربح المادى بس المهم هنعمل اكتر من طريقة والله لافرق حتى اسالوا مجرب ونشوف المكونات اللى عايزينها للحمام المغربى
المكونات
ليفة مغربى بتتباع فى الصيدليات على شكل جوانتى ب 21 جنية وفى نوع ب 33 مفيش فرق بينهم وفى فى الدول الخليجية نوع من بودى شوب برضة جوانتى او قفاز برضة نفس النتيجة والناس اللى معندهاش فى طريقة رخيصة ونفس النتيجة وممكن تكون احسن كمان العطار اللى هتشترى منة المكونات قوليلة عايزة قطعة خيش من اللى بيحطوا فية العطارة عارفينة الخيش البنى المهم تجبيها وتخيطيها على شكل مربع مزدوج علشان تدخلى ايديكى جوا
الصابون المغربى السايل بيتباع عند بعض العطارين المشهورين زى حراز هو اسمة صابون مغربى سايل حبايبى ملقتوش مش مشكلة كل مراكز التجميل معندهاش وشوفوا بيستخدموا اية هاتى صابونة لوز او صابونة زيت زيتون او صابونة بابايا او صابونة كركم كلهم عند العطارين وسعرهم مبيعديش 10 جنية وفى ب5 جنية المهم ابشروها فى المبشرة اليدوية عارفينها بتاعة البصل بتاعة زمان المهم بعد البشر هاتى الصابون وحطية فى حلة وعلية نص كوب ماء ورد واتركية طول الليل الصبح حطية على النار شوية وقلبى لغاية الصابون ماتلاقية زى الكريم بالضبط
حنة ورق برضة عند اى عطار واطحنيها لغاية ماتبقى زى البودرة فى مطحنة الخلاط لو ملقتيش مطحون قولى للعطار عايزة نوع حنة سايب يكون صافى متخفيش العطارين لما بيلقوكى فاهمة بيدوكى طلبك من غير غش بس الاول اطلبى الحنة الورق الناشفة موجودة عند العطارين الكبار زى حراز والشمس فى الحسين
عصير اربع لمونات واى حمام كريم لشعرك زيت طبيعى بيو بوينت اى نوع بتستريحيلة بس انا بفضل زيت زيتون وزيت خروع وتدفيهم على النار علشان الشعر يشربهم وكمان بونية محكم للشعر
اى مرطب للجسم انا بفضل كريم جليسوليد الاحمر الاصلى هو جلسريين مجمد العلبة الصغيرة ب6 والكبيرة ب11 جنية واعصر عليها لمونة للصغيرة ولمونتين للكبيرة او جلسريين شفاف وعلية لمونة او بيبى جونسون اويل طبعا انا بقولكم الحاجات اللى فى متناول ايدينا وبتجيب نفس النتيجة واحسن وصدقونى العلب المستوردة اللى فى مراكز التجميل جواها حاجات طبيعية مخلوطة بجزء من الكريم
حجر للقدم بيتباع عند العطارين او فى طبى فى الصيدليات اللى يريحكم يا بنات استخدموة
طريقة الحمام المغربى بالتفصيل
اولا افتحى الدوش فى الحمام على الماء الساخن جدا واقفلى الابواب والشبابيك علشان البخار وادخلى الحمام وانتظرى حتى يملؤة البخار اعملى حمام الزيت او الكريم لشعرك والبسى البونية وخدى بالك متخليش زيت حمام الشعر ينزل على جسمك وانتظرى 10 دقايق فى البخار علشان المسام تفتح واملى البانيو بالماء الساخن وانزلى فية ربع ساعة لو معندكيش بانيو افتحى الدوش ربع ساعة على جسمك وبعدين اطلعى من البانيو وهاتى الصابون اللى عملناة السايل وحطى علية عصير الليمون والحنة البودرة اللى طحناها واخلطيهم كويس وادهنى جسمك كلة كويس بالصابون واقعدى نص ساعة فى الفترة دى اعملى ماسك للوجة اى ماسك كويس بتستريحيلة وبعد النص ساعة ادعكى الصابون من جسمك بايديكى مش بالليفة بحركة دائرية فى اتجاة القلب يعنى لاعلى ادعكى جسمك دائريا لاعلى وبعدين انزلى تحت الدوش الساخن واغسلى الصابون وبعدين بالليفة المغربى ابداى فرك الجسم جزء جزء بحركة دائرية بالضغط على البشرة ولكن بلطف برضة لاعلى فى اتجاة القلب لتنشيط حركة الدم وتدفقة ولزيادة سرعة الاكسجين فى الجسم وبعدين ادخلى تانى تحت الماء الساخن واغسلى جسمك مرة تانى ونشفية كويس وبعدين ادهنى جسمك كلة بالكريم الجليسوليد المضاف الية عصير الليمون او الجلسرين السايل او البيبى اويل وانتظرى ربع ساعة واثناء الانتظار قومى بدعك لقدم والاصابع بالحجر جيدا الجلسريين هيسعدك كويس وبعدين ادخلى تحت الدوش واغسلى شعرك وجسمك وياريت تغسلى شعرك بنوع شامبو خفيف زى بيبى جونسون وسيبى الشامبو ينزل على الجسم من غير استخدام الليفة وبايديكى نزلى الجلسرين الزائد على الجسم وبعدين نشفلى جسمك وشعرك وشوفى النتيجة ولو استمرتى كل 15 يوم على الحمام دة هتشوفى فرق كبييييييييييييييير جدا فى البشرة وتوحيد لون الجسم واختفاء البقع ويابنات نادى واحدة من اخواتك او مامتك تدعكلك ضهرك بالليفة لو مش طايلة وهتشوفى الجلد الميت وهو بينزل معاكى فى الليفة ........
بس كده خلاص خلص طريقة سهله
ايه رايكو؟
الرجوع الى أعلى الصفحة اذهب الى الأسفل
Layali
عضو ماسي
عضو ماسي



عدد المساهمات : 368
تاريخ التسجيل : 07/10/2009

جايبالكو طريقة الحمام المغربي في البيت بشرح مفصل ووافي Empty
مُساهمةموضوع: رد: جايبالكو طريقة الحمام المغربي في البيت بشرح مفصل ووافي   جايبالكو طريقة الحمام المغربي في البيت بشرح مفصل ووافي I_icon_minitimeالثلاثاء مارس 09, 2010 10:47 am

موضوع اكثر من رائع حرام عليكم يابنات وينكم من هالموضوع الهايل يسلموا حبيبتي أيسل بجد موضوع
تحفة شكرا لك وجزاكي الله كل خير وبارك الله فيكي سهلتي علينا الموضوع كله
الرجوع الى أعلى الصفحة اذهب الى الأسفل
 
جايبالكو طريقة الحمام المغربي في البيت بشرح مفصل ووافي
الرجوع الى أعلى الصفحة 
صفحة 1 من اصل 1
 مواضيع مماثلة
-
» طريقة تنظيف البشره
» اسرار ربة البيت الماهرة
» طريقة لفظ بعض الحروف الأنجليزيةالمركبة
» طريقة عمل السينابون~Cinnabon ~
» طريقة عمل المكرونه البشاميل

صلاحيات هذا المنتدى:لاتستطيع الرد على المواضيع في هذا المنتدى
MANAL AMMAR WORLD :: ركن بنات المنتدي :: العناية والجمال :: العناية بالبشرة (الوجه - الجسم)-
انتقل الى: