منتدي يختص بكل ما يهم الشباب و البنات
 
الرئيسيةالبوابةس .و .جبحـثالتسجيلدخول

شاطر | 
 

 بعض فنون العكننة الزوجية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
hisham_rag
عضو لامع
عضو لامع
avatar

عدد المساهمات : 97
تاريخ التسجيل : 08/10/2009

مُساهمةموضوع: بعض فنون العكننة الزوجية   الإثنين نوفمبر 16, 2009 10:22 pm

دى بعض النصائح الفورية....
من فنون العكننة الزوجية ...

بس لو حد متزوج.. اوعى تدعى عليا
أولا:
الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان 00 اشمعنى انت ؟ ولو حاولت
ترجع تنام تانى قول لها مادام صحيتى حضري الفطار بقى

اذا كنت بتتفرج على التلفزيون وهى عايزة تغير القناة 00 قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب
( ملاحظة : اغلب النساء ذو ثقافة كروية ضعيفة )

اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة
طبعا يراعى ترك اثار سمنة على الارض مع ترك التلاجة مفتوحة وقشر
البيض فى الحوض

فى عيد ميلادها زينلها تورتة عيد ميلادها بخمسين شمعة ولو سألتك لية
خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة

لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00 يراعى التجول وانت مستمتع بأكل الجاتوة امامها

متنساش رأيك فى طبيخها لو عاملة لحمة قول لها حلو اوووى الفراخ دى 00ولو طبخة بامية 00 جميلة اوى الملوخية دى حطة عليها اية يا حبيبتى ؟؟ ولو عملة كيكة قالها انا بحب اشرب شاى مع البسكويت الحلو دة !!


لو طلبت منك تنشر الهدوم قالها حاضر مع
ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !

لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش
مانع انك تقول انك حاسس ان التليفون هيرن كمان شوية

لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى

دى فين ؟؟

وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقولها حبيبتى معلش ممكن كوبية مية علشان ضهرى بيوجعنى !!
الرجوع الى أعلى الصفحة اذهب الى الأسفل
manal ammar
Admin
avatar

عدد المساهمات : 1018
تاريخ التسجيل : 06/10/2009
الموقع : مصر

مُساهمةموضوع: رد: بعض فنون العكننة الزوجية   الثلاثاء نوفمبر 17, 2009 12:13 am

ههههههههههههههههههههههههه
حرم عليكم احنا غلابة

بس بقي ما دام بدات الحرب يبقي خد الموضوع ده

كيف تعكنني علي جوزك
.. اليكم نصائح للعكننة على الزوج .. يالله اعمل خير وارميه البحر .. (ربنا يستر ما ترتميوا انتو بالبحر ) يالله معايا على النصائح ..
الطريقة الأولى ...


** عند التلفزيون **


من المعروف دايما أن البرنامج المفضل لدى الرجل هو مباريات كرة القدم , لذلك فإنه فرصه مناسبه لتحقيق أكبر قدر من رفع الضغط دون عناء كبير .... لو شفتيه في قمة الحماس والتركيز يعني مثلا لو حصل زلزال وهوا مش حاسس او انفجرت قنبلة وراه وهوا ولا هنا اعملي كدا ... اعملي نفسك سعتها ( ست البيت النشيطه ) وجيبي منظف الزجاج مع الفوطه .. ويلا يا مسح..وهاتك يا نضافة.. ترشي الشاشه منظف وامسحي بحركه دائريه على الشاشه وحاولي انك ما تخليهوش يشوف ( ودي اهم حاجة )

ولو قالك ابعدي قولي : مش فاضيالك... بامسح وانظف .. طبعا مع البصة الي تفرس بتاعه كل بنت


ثانيا...


هاتي بعد كدا المكنسه الكهربائيه في المكان الي هو موجود فيه وابدأي بالكنس وحاولي من لحظه للحظه تكنسي قدام التلفزيون ولو قال : ابعدي والا هتلاقي الفازة او الطربيزة في وشك ..قولي : ما تقدرش لانك هاتضطر تجيب غيره !!!!! بردو مع البصة المستفزة بتاعه البنات

ثالثا...

والأحسن انك تقعدي وتعملي نفسك متابعه بعدين تصوتي فجأه وتقولي : يالهويييييييييييي نسيت الكيكة في الفرن وهيلا هوب من مكانك وبعدين اجري ناحية المطبخ وحاولي انك اثناء الجري تفصلي سلك التلفزيون برجلك


** عند النوم **

وأولا...

إذا زوجك بيشخر .. نكدي عليه نومه , اازاي؟؟ دخلي عليه كل اطفالكم وأطفال جيرانكم وبعدين... اقفلي عليهم الباب ... وسيبي الباقي عليهم . مش هيقصرو ... ماشاء الله عليهم ..

أو : إذا كان نايم ومش حاسس بالي حواليه.. تعالي وبدون مقدمات خضيه خضة تخليه يقطع الخلف فيها ... وقولي له بكل برووود : انت نمت يا حبيبي


ثانيا...
هناك طرق أخرى لرفع الضغط أثناء النوم وهي أخف ضررا على الطرفين ... منها :

- إطفاء المكيف في عز الحررر .


- فتح ستائر الغرفه حتى يدخل ضوء الشمس المعمي للعين ..

( ويفضل عمل الفقرتين السابقتين في وقت الظهر ..)

- طبعا مفيش مانع من إضافه بعض من قطرات الماء في الأذن .


لو شفتيه مالوش خلق ومقفله معاه ماتخافيش... بالعكس دي فرصتك تنتقمي منه يعني اخنقي عليه ( خلي دمك ثقيييييييييل )

بس خلي بالك من اللحظة دي من حركة ايدو لان ممكن تلاقي طبق او كرسي لابس في وشك .. ولازم تكوني مجهزة نفسك بمفتاح الاوضة.. ماتعرفيش ايه الي ممكن يحصل ( يا غالب يا مغلوب )

المهم..

اضحكي على شكله او هدومو او قعدتو .. اكيد هيقولك ابعدي عن وشي دلوقت انا ماعنديش خلق ليكي ,
انتي ماتسكتيش قوليله :
ولو ماسكتش هتعمل اييييييه ؟؟؟

طبعا هوا هيقوملك وهيوريكي هيعمل ايه.. انتي في الوقت ده امسكي هدومك في سنانك واهربي على الأوضة ... وطلي عليه من الباب وقوليله ههههههههههههاااااي
اهم حاجة رفعت ضغطك وقومتك من مكانك هههههههههههاااااي


***وقت الخناقة ***

لو جالك يوم وفي راسك شر وعايزة تتخانقي معاه
جهزي الحاجات دي واعملي الي هقولك عليه

لمي شعرك كويس واربطيه او حطي عليه جل المهم
جهزي نفسك للجريييييييييي

جهزي مفتاح اوضتك وياريت يكون في جيبك على طول
طول ما انتي بتسمعي كلام واحد زيييي

لو بدأت المعركه حطي راسك براسه وماتبينيش انك خايفه وحمري عنيكي وقوليله اية انت مش فاكر اني ممكن ادافع عن نفسي يا روحي وبالرسية و اديلوا ........

ماتستسلميش اديلو بوكككككككس على عينة الاتنين علشان مايشوفش قدامو وخدي ديلك في سنانك وهاتك يا جريييييييي

وعلى طووووووووول لاوضتك اللي مجهزة مفتاحها من قبل كدا واقفلي على نفسك .. ويادار مادخلك شر...
بس نصيحه اقعدي يومين لايشوفك ولا تشوفيه لانه عايز ينتقم لكرامته وبيوريك النجوم مش في عز الظهر بس لا دة هيورهملك طول اليوم ...
اجعلي من يوم عطلته يوم التنظيف العالمي اقلبي البيت راسا على عقب وكأن بعض اعمال الحفريات تدور هنا او هناك.

اكتبي قائمة طلبات محبوكة كل طلب فيها في مكان مختلف عن الاخر والافضل ان يكون متباعدا ولا تنسي ان تضيفي بعض الضروريات التي لا يخلو منها اي بيت واتركيه وحده يواجه مهمته المستحيلة.

عاد من العمل متاخرا في المساء تعباااااااااان خالص ما ان يضع راسه على الوسادة وبمجرد ان يغمض عينيه وبمنتهى الرقة والحنان ايقظيه واطلبي منه ان يتاكد من اغلاق باب الشقة ومفتاح الغاز.

ما ان يعتاد على اماكن وطريقة ترتيب خزانته واماكن ملابسه بدليها فورا فهذا التغيير المستمر بدعوى التجديد سوف يفقده اعصابه.

وانت ترتبين جواربه ضعي كل فردتين مختلفتين معا ومن الافضل ان تكون الوانهما متقاربة حتى لا يكتشف ذلك الا في الخارج بعد فوات الاوان.

لا مانع ابدا من استخدام فرشاة الشعر الخاصة به ولا تزعجي نفسك بازالة ما علق بها من شعرك


بمجرد ان تدخلي داخل السيارة الى جواره لا تترددي في تغيير وضع المراة لتعديل مكياجك والا فما فائدتها أذن


لااحد يعلم حتى الان سر تعلق الرجال بالريموت كونترول لذا على سبيل العكننة فقط ليس الا..يمكنك اخفاء الريموت كونترول او استبدال بطاريته باخرى قديمة المهم لا تتركيه يهنأ بها.

الهدية اللي ممكن تقدميها له مزيل لرائحة الفم..مزيل لرائحة القدمين..مزيل لرائحة العرق..وسادة لمنع الشخيررررر يا لطيف.
كفاية كدة عشان احنا احسن منهم وقلبنا طيب خااااااااااااااااااااالص ...
الرجوع الى أعلى الصفحة اذهب الى الأسفل
http://manalammar.yoo7.com
Layali
عضو ماسي
عضو ماسي


عدد المساهمات : 368
تاريخ التسجيل : 07/10/2009

مُساهمةموضوع: رد: بعض فنون العكننة الزوجية   الثلاثاء نوفمبر 17, 2009 9:39 am

حرام عليكم والله خليتوا الي مو متزوجين يخافوا من حاجة أسمها زواج صدقوني مافي أحلى من الحب والهدوء والطمأنينة بين الازواج وأنسوا فكرة التنكيد والانتقام وأمسحوها من قواميسكم لانكم أنتوا
الخسرانين أنا عن نفسي الحمد لله كل يوم أصحى وأخرج من البيت وزوجي نائم ولا عمري ولا عمره عملنا الي أنتوا ذكرتوه سواء الي قاله هشام أو منال ولا حتى بالمزح خلوا الازواج بحالهم وماتعكننوا عليهم هم خلقة متعكنين من الدنيا ومشاكلها وأن شاء الله أفكركم لما تتزوجوا وحتفهموا كلامي ربي يبعثلكم نصيب حلو حتى تسعدوا وتتهنوا وتنسوا العكننة نهائي
الرجوع الى أعلى الصفحة اذهب الى الأسفل
 
بعض فنون العكننة الزوجية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
MANAL AMMAR WORLD :: منتدي منال عمار الترفيهي :: النكت-
انتقل الى: