MANAL AMMAR WORLD
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدي يختص بكل ما يهم الشباب و البنات
 
الرئيسيةالبوابةأحدث الصورالتسجيلدخول

 

 قواعد المرور في مصر

اذهب الى الأسفل 
3 مشترك
كاتب الموضوعرسالة
hisham_rag
عضو لامع
عضو لامع
hisham_rag


عدد المساهمات : 97
تاريخ التسجيل : 08/10/2009

قواعد المرور في مصر Empty
مُساهمةموضوع: قواعد المرور في مصر   قواعد المرور في مصر I_icon_minitimeالجمعة ديسمبر 11, 2009 5:36 am

القاعدة الأولى:

لو عربيتك كبيرة أو قديمة، أستخدم المبدأ القانوني: اللي خايف على عربيته يوسع!!

ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه!!


--------------------------------

القاعده الثانيه:

قاعدة البوز بيز:اللي يدخل ببوز عربيته الاول للتقاطع هو صاحب أولوية المرور! احرص على أن تكون صاحب أول بوز.

ملحوظة: لا تطبق الـبوز بيز مع أي لوري أو أتوبيس، حرصاً على بوزك لا مؤاخذة.


--------------------------------

القاعدة الثالثة:

الإشارات تكشف نواياك للأعداء، أياك أن تستخدمها!


--------------------------------

القاعدة الرابعة:


لا تترك مسافة للأمان بينك و بين السيارة التي أمامك فهذا له عدة مخاطر:


1. عربية ثانية حتملا الفراغ في ثواني و برضوه ما يبقاش فيه مسافة بينك و بين الي
قدامك، كل الي كسبته انك اتأخرت لورا شوية.

2. حتدي فرصة للعيال يعملوا غرز قدامك.

3. كل المشاة حيغمضوا عينيهم و يعدوا من الحته دي.

4. الي وراك حيقعد يزمر - لو كان مؤدب -
أو تسمع شوية أسامي حيوانات لو كان سواق تاكس - مؤدب - ،
أو حيخبطك من ورا لو كان سواق ميكروباص - و دول مفيش حد منهم مؤدب -.


--------------------------------

القاعدة الخامسة:

اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!


--------------------------------

القاعدة السادسة:

معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!


--------------------------------

القاعدة السابعة:

الشارع مكان مقرف، سوق بأسرع ما يمكن حتى تتخلص من هذا الهم بسرعة، الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.


--------------------------------

القاعدة الثامنة:

من حقوقك الدستورية
أن تركن أمام باب المحل الذي تريد أن تشتري منه، اذا سبقك واحد ابن ستين في سبعين و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟


--------------------------------

القاعدة التاسعة:

من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً، راجع البند السابق.


--------------------------------


القاعدة العاشرة:

إحترس من ثلاث أنواع من السائقيين بيسوقوا و كأنهم مش ممكن يموتوا:

1. Computer Gamesالعيال الروشين الي بيلعبوا فاكريين إن ممكن يكسبوا زيادة لو ساقوا أسرع
Life
2. موتوسيكلات توصيل الطلبات ( Home Delivery ).

3. سواقين الميكروباص.

ملحوظة: إوعى تحاول تثبت لحد منهم إن فكرته غلط. فاهمني!!!.


--------------------------------

القاعدة الحادية عشر:

لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون، و بعدين لما الطريق وراك يقف تحمي المجتمع من حادثة تانية.


--------------------------------

القاعدة الثانية عشر:

الكناسين لازم يحللوا اللقمة الي بياكلوها، حاول تنفعهم و ترمي أي حاجة من الشباك.


--------------------------------

القاعدة الثالثة عشر:

لما تخلص سيجارة أوعى تحطها في الطفاية، ارميها من الشباك أول ما تشوف واحد بموتوسيكل معدي جنبك ( علشان يحرم يعمل غرز ).


--------------------------------

القاعدة الرابعة عشر:

من حقك أن تعبر الشارع في أي وقت و من أي مكان.


--------------------------------

القاعدة الخامسة عشر:

اذا كان هناك سيارة قادمة اعمل نفسك مش واخد بالك و عدي براحتك خالص، ما تخافش، هوا حيقف، هو اهبل يدوسك و يودي نفسه في داهية؟


--------------------------------

القاعدة السادسة عشر:

اياك أن تنظر نحو السيارات القادمة، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت.


--------------------------------

القاعدة السابعة عشر:

حتى لو شفته أوعى تخاف - خصوصاً لو معاك بنت - تبقى راجل ملو هدومك و تخاف من حته عربية؟

عرض قفاك و سيبه يتفلق.


--------------------------------

القاعدة الثامنة عشر:

الرصيف ليس للمشاه، بل لركن السيارات و فرشات الباعة الجائليين و المحلات... الخ، لذلك يحق للمشاة السير في وسط الشارع،


-------------------------------------

القاعدة التاسعة عشر
الإشارات مش معمولة علشان تنظم المرور ، معمولة علشان شكل القاهرة يبقى متحضر بس!

--------------------------------------------

القاعدة العشرون

اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ).

الرجوع الى أعلى الصفحة اذهب الى الأسفل
manal ammar
Admin
manal ammar


عدد المساهمات : 1018
تاريخ التسجيل : 06/10/2009
الموقع : مصر

قواعد المرور في مصر Empty
مُساهمةموضوع: رد: قواعد المرور في مصر   قواعد المرور في مصر I_icon_minitimeالسبت ديسمبر 12, 2009 7:18 pm

هههههههههه

الحمد لله معنديش عربية و لا بعرف اسوق

بس بحب امشي وسط العربيات
الرجوع الى أعلى الصفحة اذهب الى الأسفل
https://manalammar.yoo7.com
Layali
عضو ماسي
عضو ماسي



عدد المساهمات : 368
تاريخ التسجيل : 07/10/2009

قواعد المرور في مصر Empty
مُساهمةموضوع: رد: قواعد المرور في مصر   قواعد المرور في مصر I_icon_minitimeالإثنين ديسمبر 14, 2009 9:57 am

الله يعينكم على هالقواعد الخطيرة والغريبة هذه معركة مو سياقة سيارة
الرجوع الى أعلى الصفحة اذهب الى الأسفل
 
قواعد المرور في مصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
MANAL AMMAR WORLD :: منتدي منال عمار الترفيهي :: النكت-
انتقل الى: