تعالى هنا وجاوب

ازيكو يا حلوين وحشتونى جدا انا جايبه شوية اسئله كده مش الهدف منها الاختبار هو الهدف اننا ندردش مع بعض ونتعرف على بعض اكتر يا ريت تتجاوبوا معايا فى الموضوع .....


نبدا بالبيت :
1) من هو الأقرب لك في اسرتك ؟؟؟
2) كم هو ترتيبك في اعضاء اسرتك ؟؟
3)حدد اهم الامور التي تقوم بها وانت في البيت ؟؟
4)آكله تحبها كثيرا.....؟؟ مممممممممممممم
5)مشروب يستهويك كتيرا....؟؟
6)ماهي الاوقات المفضلة لديك.؟؟

في الحياة:
1)حكمة تؤمن بها كتيرا؟
2)دولة تتمنى ان تسافر اليها؟
3)ماهي الوظيفة التي تتمناها لنفسك؟
4)حدد اسم اليوم الذي تحبه كثيرا وان شئت اذكر السبب ؟
5)حدد اسم اليوم الذي تكرهه كثيرا وان شئت اذكر السبب ؟
6)حدد نوع سيارتك المفضلة؟
7)مكان يعجبك كتيرا وتردد دائما عليه
اقرب الاصدقاء اليك؟

في المدرسة :
1)مدرس لازال في ذاكرتك ؟
2)مواد دراسية احببتها كتيرا.؟
3)مواد دراسية تكرهها ؟
4) حدد بالضبط مقعدك في الفصل ؟
5) ما هي احب المراحل الدراسية الى نفسك؟
6)سنة دراسية تعد الاجمل في حياتك؟
7)موقف محرج حدث لك في المدرسة؟

في المنتدى :
1)عضو تعلمت منه الكتير ؟
2)عضو لا تتمنى ان يغيب ابدا؟
3)عضو مشاغب؟
4)عضو تعرفه خارج المنتدى؟
5)عضو تكونت علاقة صداقة بينكم في المنتدى ؟
6)عضو ترى ان لديه امكانيات كبيرة ؟
7) عضو مفقود

1) من هو الأقرب لك في اسرتك ؟؟؟
اختي نجلاء

2) كم هو ترتيبك في اعضاء اسرتك ؟؟
الرابعة

3)حدد اهم الامور التي تقوم بها وانت في البيت ؟؟
غسيل المواعين

4)آكله تحبها كثيرا.....؟؟ مممممممممممممم
الشاورمة
5)مشروب يستهويك كتيرا....؟؟
الكوكاكولا

6)ماهي الاوقات المفضلة لديك.؟؟
بعد المغرب علشان بكون خلصت من شغل البيت

في الحياة:
1)حكمة تؤمن بها كتيرا؟
اعمل لدنياك كانك تعيش ابدا ........واعمل لاخرتك كانك تموت غدا

2)دولة تتمنى ان تسافر اليها؟
فرنسا


3)ماهي الوظيفة التي تتمناها لنفسك؟
مهندس استشاري

4)حدد اسم اليوم الذي تحبه كثيرا وان شئت اذكر السبب ؟
يوم الخميس

5)حدد اسم اليوم الذي تكرهه كثيرا وان شئت اذكر السبب ؟
يوم السبت

6)حدد نوع سيارتك المفضلة؟
معنديش سيارة للاسف

7)مكان يعجبك كتيرا وتردد دائما عليه
اي مكان غير البيت

Coolاقرب الاصدقاء اليك؟
كلهم قريبين مني

في المدرسة :
1)مدرس لازال في ذاكرتك ؟
سعيد علي جاد مدرس اللغة الفرنسية ومن المنصورة يا لولو

2)مواد دراسية احببتها كتيرا.؟
اللغة الفرنسية

3)مواد دراسية تكرهها ؟
الفيزياء

4) حدد بالضبط مقعدك في الفصل ؟
اخر الفصل

5) ما هي احب المراحل الدراسية الى نفسك؟
التانوية

6)سنة دراسية تعد الاجمل في حياتك؟
تالتة ثانوي - تالتة هندسة

7)موقف محرج حدث لك في المدرسة؟
هو مش في المدرسة هو حصل في الجامعة لما معيد شايف نفسه كده طردني من السكشن علشان استفزني ورديت عليه بقرف



في المنتدى :
1)عضو تعلمت منه الكتير ؟
كل الاعضاء النشطاء

2)عضو لا تتمنى ان يغيب ابدا؟
كل الاعضاء

3)عضو مشاغب؟
لغاية دلوقتي مشفتش


4)عضو تعرفه خارج المنتدى؟
شيرين

5)عضو تكونت علاقة صداقة بينكم في المنتدى ؟
كلهم اصدقائي من قبل المنتدي

6)عضو ترى ان لديه امكانيات كبيرة ؟

محمد بريك

7) عضو مفقود

دينا

موضوع حلو ، ذكرتيني زمان كنا دائما نحط أسئلة ونلعب مع أصحابنا لما كنا صغار بالمدرسة هههههههه أيام

نبدا بالبيت :
1) من هو الأقرب لك في اسرتك ؟؟؟
أختي الي أكبر مني على طول

2) كم هو ترتيبك في اعضاء اسرتك ؟؟
أخر العنقود رقم 7

3)حدد اهم الامور التي تقوم بها وانت في البيت ؟؟
الطبخ وشغل البيت ، متابعة المسلسلات ، أستعمال النت ، التحدث بالهاتف

4)آكله تحبها كثيرا.....؟؟ مممممممممممممم
المحشي وكل أنواع المكرونات

5)مشروب يستهويك كتيرا....؟؟
اللبن الي هو لبن الزبادي مو الحليب بس الي يتشرب

6)ماهي الاوقات المفضلة لديك.؟؟
في أوقات كثيرة ، بحب الاوقات الي أكون فيها مع زوجي في سفر ، أحب الاوقات الي أقضيها مع أهلي لما أزورهم لأني متغربة عنهم ، أما في الايام العادية يعني أكيد بعد ما أخلص الطبخ لأني أكون حرة

في الحياة:
1)حكمة تؤمن بها كتيرا؟
عامل الناس بما تحب أن تعامل به أي بمعنى آخر أحب لأخيك ماتحب لنفسك تقريبا هم نفس المعنى

2)دولة تتمنى ان تسافر اليها؟
فرنسا واليابان

3)ماهي الوظيفة التي تتمناها لنفسك؟
ربة بيت

4)حدد اسم اليوم الذي تحبه كثيرا وان شئت اذكر السبب ؟
الخميس لأنه بعده أجازة من الشغل

5)حدد اسم اليوم الذي تكرهه كثيرا وان شئت اذكر السبب ؟
الاحد لأنه أول يوم دوام

6)حدد نوع سيارتك المفضلة؟
بي أم دبليو والمرسيدس

7)مكان يعجبك كتيرا وتردد دائما عليه
البحر بس مابروحله كثير

اقرب الاصدقاء اليك؟
زوجي وأخواتي البنات

في المدرسة :
1)مدرس لازال في ذاكرتك ؟
مدرسة أسمها هناء في المدرسة الابتدائية

2)مواد دراسية احببتها كتيرا.؟
العربي والانكليزي

3)مواد دراسية تكرهها ؟
الجغرافية والتاريخ

4) حدد بالضبط مقعدك في الفصل ؟
أول وحدة

5) ما هي احب المراحل الدراسية الى نفسك؟
الابتدائية

6)سنة دراسية تعد الاجمل في حياتك؟
ثالث ثانوي

7)موقف محرج حدث لك في المدرسة؟
لا أتذكر

في المنتدى :
1)عضو تعلمت منه الكتير ؟
لا يوجد

2)عضو لا تتمنى ان يغيب ابدا؟
كل الاعضاء

3)عضو مشاغب؟
عمر أبو تريكة وأحمد بس دمهم خفيف

4)عضو تعرفه خارج المنتدى؟
منال أتعرفت عليها من منتدى آخر

5)عضو تكونت علاقة صداقة بينكم في المنتدى ؟
لا يوجد

6)عضو ترى ان لديه امكانيات كبيرة ؟
كل واحد عنده أمكانيات وبصراحة ما أعرف

7) عضو مفقود
ما اعرف

نبدا بالبيت :
1) من هو الأقرب لك في اسرتك ؟؟؟
أختى الصغيرة مشيرة
2) كم هو ترتيبك في اعضاء اسرتك ؟؟
الرابعة
3)حدد اهم الامور التي تقوم بها وانت في البيت ؟؟
النت واعمال منزلية بسيطة

4)آكله تحبها كثيرا.....؟؟ مممممممممممممم
الكشرى5)مشروب يستهويك كتيرا....؟؟
البيبسى
6)ماهي الاوقات المفضلة لديك.؟؟

لما اقابل معظم اصحابى القدامى مرة واحدة
في الحياة:
1)حكمة تؤمن بها كتيرا؟
من طلب العلا سهر الليالى
2)دولة تتمنى ان تسافر اليها؟
الولايات المتحدة الامريكية وبريطانيا
3)ماهي الوظيفة التي تتمناها لنفسك؟
معيدة فى قسم طرق تدريس اللغة الانجليزية باسوان
4)حدد اسم اليوم الذي تحبه كثيرا وان شئت اذكر السبب ؟
الخميس لان 3 ايام بعده اجازة
5)حدد اسم اليوم الذي تكرهه كثيرا وان شئت اذكر السبب ؟
السبت وفاة شخص عزيز6)حدد نوع سيارتك المفضلة؟
هامر
7)مكان يعجبك كتيرا وتردد دائما عليه
حديقة عامة باسوان
اقرب الاصدقاء اليك؟
هدى هلال

في المدرسة :
1)مدرس لازال في ذاكرتك ؟
الاستاذ رجب مدرس العربى2)مواد دراسية احببتها كتيرا.؟
االفلسفة3)مواد دراسية تكرهها ؟
الرياضيات
4) حدد بالضبط مقعدك في الفصل ؟
الاول والمنتصف والاخير كل يوم فى حته
5) ما هي احب المراحل الدراسية الى نفسك؟
الابتدائية
6)سنة دراسية تعد الاجمل في حياتك؟
كل سنه درست فيها مع الدكتور عادل
7)موقف محرج حدث لك في المدرسة؟
لا اذكر

في المنتدى :
1)عضو تعلمت منه الكتير ؟
منال عمار
2)عضو لا تتمنى ان يغيب ابدا؟
كل الاعضاء
3)عضو مشاغب؟
بيتهيالى احمد بس رائع
4)عضو تعرفه خارج المنتدى؟
منال عمار5)عضو تكونت علاقة صداقة بينكم في المنتدى ؟
منال عمار
6)عضو ترى ان لديه امكانيات كبيرة ؟
منال عمار
7) عضو مفقود
لا يوجد

شكرا للردود الجميله
انا كمان هعرفكوا شويه عن نفسى وهجاوب
البيت:
من هو الأقرب لك في اسرتك ؟؟؟
اختى الكبيره
2) كم هو ترتيبك في اعضاء اسرتك ؟؟
الرابعه والاخيره (اخر العنقود)
3)حدد اهم الامور التي تقوم بها وانت في البيت ؟؟
طبعا عامله فيها شيف وبطبخ وادخل المنتدى والجروب واشاهد التليفزيون وارغى فى التليفون
4)آكله تحبها كثيرا.....؟؟ مممممممممممممم
بحب حاجات كتير زى محشى ورق العنب والبيتزا
5)مشروب يستهويك كتيرا....؟؟
كافى ميكس والقهوه وتكيفنى ريحتها جدا
6)ماهي الاوقات المفضلة لديك.؟؟
الوقت اللى يكون مزاجى حلو فيه بيكون وقت مفضل



في الحياة:
1)حكمة تؤمن بها كتيرا؟
ان مع العسر يسر
2)دولة تتمنى ان تسافر اليها؟
اتمنى اعيش فى المدينه المنوره واموت هناك
3)ماهي الوظيفة التي تتمناها لنفسك؟
اكيد اتمنى اكون صاحبة ومديرة صيدليه معروفه
4)حدد اسم اليوم الذي تحبه كثيرا وان شئت اذكر السبب ؟
احب يوم الخميس
5)حدد اسم اليوم الذي تكرهه كثيرا وان شئت اذكر السبب ؟
اكره يوم السبت
6)حدد نوع سيارتك المفضلة؟
bmw
7)مكان يعجبك كتيرا وتردد دائما عليه
المكان اللى بيعجبنى جدا فندق على البحر مباشره فى الاسكندريه واتمنى اتردد عليه على طول
اقرب الاصدقاء اليك؟
دينا


في المدرسة :
1)مدرس لازال في ذاكرتك ؟
استاذ حسين مدرس اللغه العربيه
2)مواد دراسية احببتها كتيرا.؟
حبيت الاحياء والفرنساوى
3)مواد دراسية تكرهها ؟
الكيمياء وهى كل دراستى سبحان الله
4) حدد بالضبط مقعدك في الفصل ؟
فى الركن البعيد الهادى الاخر طبعا
5) ما هي احب المراحل الدراسية الى نفسك؟
الثانويه العامه
6)سنة دراسية تعد الاجمل في حياتك؟
ثانيه وثالثه ثانوى
7)موقف محرج حدث لك في المدرسة؟
لما قلست على مدرسة وهى سمعتنى وطردتنى(سوابق)


في المنتدى :
1)عضو تعلمت منه الكتير ؟
معظم الاعضاء ليهم بصمه
2)عضو لا تتمنى ان يغيب ابدا؟
محمد بوريك
3)عضو مشاغب؟
هو مش مشاغب هو لمض بس هو عمرو
4)عضو تعرفه خارج المنتدى؟
اعرف منال وبوريك ودينا وعمرو
5)عضو تكونت علاقة صداقة بينكم في المنتدى ؟
منال عمار واتمنا تزيد وتدوم
6)عضو ترى ان لديه امكانيات كبيرة ؟
كل عضو ايجابى فى المنتدى
7) عضو مفقود

الاعضاء الصامتين

ماشى ليلالى انا مشاغب شكرا ليكى انتى وروزز...

توبيك جميل يا لولو تسلم الايادى


نبدا بالبيت :
1) من هو الأقرب لك في اسرتك ؟؟؟
ماما واختى ندى وضحى


2) كم هو ترتيبك في اعضاء اسرتك ؟؟
3


3)حدد اهم الامور التي تقوم بها وانت في البيت ؟؟
شغل البيت


4)آكله تحبها كثيرا.....؟؟ مممممممممممممم
البتزااااا


5)مشروب يستهويك كتيرا....؟؟
بيبسى


6)ماهي الاوقات المفضلة لديك.؟؟
مع اصحابى



في الحياة:
1)حكمة تؤمن بها كتيرا؟
التمس لاخيك 70 عذرا فإن لم تجد فلم نفسك


2)دولة تتمنى ان تسافر اليها؟
تايلاند


3)ماهي الوظيفة التي تتمناها لنفسك؟
طبيبه نفسيه


4)حدد اسم اليوم الذي تحبه كثيرا وان شئت اذكر السبب ؟
يوم الخميس عشان بعده الجمعه اجازه


5)حدد اسم اليوم الذي تكرهه كثيرا وان شئت اذكر السبب ؟
مفيش يوم معين


6)حدد نوع سيارتك المفضلة؟
BMW
7)مكان يعجبك كتيرا وتردد دائما عليه
البحر


Coolاقرب الاصدقاء اليك؟
كلهم حبايب قلبى

في المدرسة :
1)مدرس لازال في ذاكرتك ؟
مستر خالد رشوان (فيزياء) 3ثانوى


2)مواد دراسية احببتها كتيرا.؟
الرياضه طبعاااااااااا


3)مواد دراسية تكرهها ؟
الجغرافيا


4) حدد بالضبط مقعدك في الفصل ؟
الاخير او قبل الاخيربس دا طبعا فى ثانوى ايام المشاغبه


5) ما هي احب المراحل الدراسية الى نفسك؟
الجامعه والثانوى


6)سنة دراسية تعد الاجمل في حياتك؟
البكالريووووس


7)موقف محرج حدث لك في المدرسة؟
مش فاكره دلوقتى

في المنتدى :
1)عضو تعلمت منه الكتير ؟
كل الاعضاء مثقفين وزى العسل


2)عضو لا تتمنى ان يغيب ابدا؟
منوووووله حبيبه قلبى


3)عضو مشاغب؟
اكيد عموره طبعااااا


4)عضو تعرفه خارج المنتدى؟
بيكوووو


5)عضو تكونت علاقة صداقة بينكم في المنتدى ؟
منال



6)عضو ترى ان لديه امكانيات كبيرة ؟
ليالى


7) عضو مفقود
مش عارفه

a7mad0asd كتب:

ماشى ليلالى انا مشاغب شكرا ليكى انتى وروزز...

هههههههه أحمد أنا قلت أنه دمك خفيف فماتزعل ماشي؟ كلنا أخوة في الله

ماشى ليلالى انا مشاغب شكرا ليكى انتى وروزز
3)عضو مشاغب؟
بيتهيالى احمد بس رائع

انا قلت بيتهيالى
تهيات يعنى
بس بجد اكتر من رائع وتقبل منى

السلام عليكم ورحمة الله وبركاته
ازيكم يا جماعه بجد وحشتوووووووووووووووووونى
جد جدا جداااااااااااااااااااااااااااااااااا

على فكره يا لولو انا مبسوط منك اوى على الى بتعمليه فينا
وعلى الفضايح دى بس انا هقولك عن نفسى انا بجد مش بنم
لاء
ده كلام بيجيب بعضه

اولا البيت

ايوا يا عمرو فين الكلام اللى بيجيب بعضه
هاااااا؟؟؟ اولا البيت ايه؟؟؟؟؟؟
انت ورقة الاجابه اتسحبت منك والا ايه؟

هههههههههههه الظاهر يالولو هو عجبته الاسئلة وشافاها سهلة ولما أجى يجاوب أنشغل بحاجة ثانية ونسي الاجوبة والا يمكن عمر يحب يكون الرجل الغامض مايريد أحد يعرف عنه شيء الله العالم ننتظر جوابك ياعمر

يا جماعه والله انا جاوبت على كل الاسئله

دى ومش عارف ايه الى حصل هى مش نزلت ليه باين كده

عليها عفريت

ولا ممكن اكون انا نمت وبيتهيالى انى كتبت

على العموم هجاوب ليكم على كل الاسئله دى

اولا البيت

من هو الاقرب ليك فى اسرتك
1- اولاد اختى ندى ودنيا

ما هو ترتيبك فى اسرتك
2- دايما بحب اكون الاول بس فى المره دى اختلفت الموازين وكنت التانى

حدد اهم الامور التى تقوم بها وانت فى البيت
3- احلى حاجه بجد بتسعدنى لما العب مع ندى ودنيا استغمايه ونضرب بعض با لمخد اتونقلب الشقه كلهاواختى تعد تصوت فينا وتجرى ورانا مجنون يعنى

اكله تحبها كثيرا
4- بجد انا مختلف جدا انا بموت فى فتة العدس والبصل الاخضر جدا

مشروب يستهويك كثيرا
5- انا بحب جدا البيريل مش علشان ابقى راجل والله بحبه من قبل الاعلان

ما هى الاوقات المفضله لديك
6-لما بنزل الاسكندريه واروح عند امى واشتكيلها بجد بحس براحه نفسيه جامده

فى الحياه

حكمه تؤمن بها كثيرا
1-عندى حكمه خاصه بى بس بجد مش بقولها لاى حد ومتزعلوش منها بس انا بجد بحبها جدا ومؤمن بيها جدا
كلما ازدادت معرفتى بالناس كلما ازداد حبى لكلبى
بجد انا بحبها اوى بس دى طبعا مش ليكم انتم والله انتم احب الناس الى قلبىوليكم معزه غاليه اوى عندى

دوله تتمنى ان تسافر اليها
2-اقولبكم حاجه غريبه والله طول عمرى بتمنى اروح الحبشه علشان اشوف بداية نهر النيل مش عارف ليه يمكن نفسى اشرب من اول قطره من الميه واشوف قدرة الله فى خلقه وابداعه

ما هى الوظيفه التى تتمناها لنفسك
3- بجد اقولكم حاجه طول عمرى بتمنى اكون دكتور علشان بجد لما بشوف اى حد بيقول اه او تعبان بجد بتقطع علشانه ومش بعرف اعمله حاجه بس هو فيه حاجه بسيطه اوى انى مش بحب الساينز خالص

حدد اسم اليوم الذى تحبه كثيثرا وان شئت اذكر السبب
4- احلى يوم عندى بجد يوم الجمعه والسبب انه يوم مولدى انا مولود ساعة اذان الظهر

حدد اليوم الذى تكرهه كثيرا وان شئت اذكر السبب
5-انا بجد مش بكره اى يوم فى الاسبوع بس هو يوم الاحد المشئوم الذى سمعت فيه خبر وفاة والدتى
--------
بجد كنت اتمنى انه يتشال من الاسبوع وتفضل عايشه معايا بجد انا مفتقدها كتير وحاسس انى بخبط فى الدنيا


حدد نوع سيارتك المفضله
6- السياره البورش الهاتش باك بجد بتجنن لما اشوفها بحس انها اتعملت ليا انا

مكان يعجك كثيرا وتتردد عليه
7- احلى حاجه فى الدنيا الجلوس امام البحر بحس انه زى كده فيه حاجات كتير مدفونه ومش بتطلع لاى حد

اقرب الاصدفاء اليك
8- بجد والله مش بكدب عليكم لو قلتلكم ان كل الجروب والمنتدى اصدقاء ليا وبحبهم موت ويزعل اوى منهم لما مش بيسألوا

فى المدرسه

مدرس لازال فى زاكرتك
1- بجد متر الفونسو مدرس الفرنساوى ده علشان كان شكله بيفكرنى بفرعون لانه كان شبه قدماء المصريين

مواد دراسيه احببتها كثيرا
2-انا بجد بحب العربى جدا جدا وبجد بحس بفخر جدا بتحس انك بتدرس لغه وبتغوص فيها ومش بتعرف تجيب اخرها غير اى لغه تانيه شوية فربات على شوية افعال وخلاص بجد بحب البلاغه جدا جدا كفايه انك تقول كلمه وتعرف منايتها وكمان انا بحب التاريخ اوى اوى الفرعونى والحديث بحس اننا قيمه جامده اوى بس مش عارفين نستغلها

مواد دراسيه تكرهها
3- انا بجد مش بكرهها بس مش بحب اتعمق فيها هو الساينز -العلوم - كلها معادلات وحاجات زى كده وانا مش فيا دماغ افكر

حدد بالضبط مقعدك فى الفصل
4- بجد انا دايما بحب اقعد فى الصف الاولانى ولانى بحب التهريج كنت بسيب اى واحد من صحابى يكون جسمه تخين يقعد ادامى علشان المستر مش يشوفنى لما اتكلم ولا اعمل حاجه نعد نضحك عليها علشان استخبى فى صلى قدامى ومش يشوفنى المستر او المس

ما هى احب المراحل الدراسيه الى نفسك
5-المرحلة الاعداديه بجد كنت جن مصور وسبحان من خلاها تعدى

سنه دراسيه تعد الاجمل فى حياتك
6- بجد والله مفيش احلى من تانيه ثاوى عندى سنة الحب والجمال والتزويغ سنة الرقى والمعرفة بالاسرار العجيبه ياه دا احنا كنا هبل اوى والله

موقف محرج حدث لك فى المدرسه
6- كان عندنا مدرس فرنساوى اسمه الفونسو وكان شبه قدماء المصريين وكان لما يشرحتحسى انك قدام توت حتشبسوت او اى كاهن من قدماء المصريين فانا كنت بتكلم مع زمايلى وكنت بضحك فقام قالى انت ان درول دى جرسون - يعنى انت ولد متخلف او غريب الاطوار- بجد انا تضايقت منه وقلت لازم اخلى الكل يضحك عليه فقلت له مستر هو مش كل واحد ليه شجرة عائله قالى اه ليه قلت له انا بحس انك والله من نسل فرعون لقيته قام جالى جرى وعاوز يضربنى قمت جارى وخرجت من الفصل وهو بيشتم ياكلب يا ابن ؟؟؟؟؟؟؟؟؟؟؟؟؟؟؟؟؟ واخدت رفت اسبوع ويمكن ربنا كان معايا علشان هو شتمنى بابن ؟؟؟؟؟؟؟؟؟؟؟؟؟
واتصفينا واصبحنا اصحاب انا وهو علشان مش اقدم بلاغ فيه للادارة التعليميه

فى المنتدى

عضو تعلمت منه الكثير
1- بجد والله كل الاعضاء اتعلمت منهم الكثير بس بصراحه فيه بعضهم انا بحبهم اوى وباخدهم قدوه ليا
محدش يزعل يا جماعه انتو عاوزين الصراحه

عضو لا تتمنى ان يغيب ابدا
2-بصراحة ربنا انا مش بحب منكم يغيب عنى ابدا منال ونهى وعليا وندى وليالى وروز واحمد البرنس ومحمد بوريك ودينا ومحمد السيد وكل الى فى المنتدى والله والجروب كمان ومعلشض اذا كان سهى عليا حد

عضو مشاغب
3 بجد كلكم زى العسل بس احب اقولكم حاجه اى حد يحب يتفلسف ويعمل مقارنه بين الرجال والبنات
ده انا بعتبره على طول مشاغب وبحطه فى البلاك لست بتاعىويا ويله او يا ويلها منى

عضو تعرفه خارج المنتدى
4-سؤال مش واضح المعالم بس هجاوب انا بجد يا جماعه يشرفنى انى اعرفكم كلكم خارج المنتدى بس انا بجد صداقتى محدوده ونفسى اكون اخ ليكم

عضو تكونت صداقه محدوده فى المنتدى
5- بجد عاوزين تعرفوا منال ونهى

عضو لديه امكانيات كبيره
كل العضاء امكانياتهم عظيمه وكبيره بجد وخصوصا منال ونهى ومحمد بوريك وليالى وعليا ودينا دى لوحدها مشكله بجد ربنا يوفقكم وايانا

عضو مفقود
7- بجد انا مفتقد عضوه كانت مميزه فى الجروب وكلكم عارفينها هى امانى مونمونيتا

وكل الاعضاء فى الجروب الى مش منورينا هنا فى المنتدى بتاعنا

والسلام عليكم ورحمة الله وبركاته

اخوكم عمرو

انت شخصيه زى السكر يا عمرو ربنا يوفقك وتحقق كل احلامك وعيب لما تقول انك مش بتحب الساينس واختك لولو موجوده
قولى يا ابنى وانا اضيعك اكتر ما انت ضايع فيه

شكرا يا لولو على ردك ليا
فعلا بجد انتم اخواتى وربنا يدوم المعروف

وعلى فكره يا ختى الساينس ده مش عاوز واحده اموره زيك كده تفهمهولى
ده لازم واحد ويكون معاه عصايه كمان
هههههههههههههههههههههههههههههههههه

شكرا ليكم كلكم يا جماعه
وبجد يا لولو اسئله زى السكر بس تفضح الواحد

امانى مونمونيتا

تعرف انك فكرتنى ببنت جميلة جدددددددددددددددا انا مفتقدها .. وهى أول بنوتة عرفتها على جروب بنات مخنوقة ..
بس بعد فترة ما شفتهاش وأول ما رجعت سألت عليها بس ما دخلتش تانى على ما أعتقد ...

بس لو انت بتكلمها سلم عليها بس انا متأكد انها نسيت انا مين ..

الاسءلة دى كتير أووووووووووووووووووووووى


سامحونى مكسل أجاوب

ههههههههههههههههههه

ليه يا عم احمد كلنا جاوبنا .. ههههههههه

ادخل يا راجل واتشجع