منتدي يختص بكل ما يهم الشباب و البنات
 
الرئيسيةالبوابةس .و .جبحـثالتسجيلدخول

شاطر | 
 

 اشهر جمل بابا وماما

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
LOLO
عضو ماسي
عضو ماسي
avatar

عدد المساهمات : 340
تاريخ التسجيل : 11/10/2009

مُساهمةموضوع: اشهر جمل بابا وماما   الثلاثاء ديسمبر 22, 2009 7:37 pm

اشهر55 جمله على لسان الاب والام





1- مالكش دعوة بالسياسة .. وماتمشيش فى مظاهرات :
وقد نجحت الأمهات فى هذه الجزئية نجاحا ساحقا ... وده بيظهر عندما ترى أكبر مظاهرة فى البلد لا تتجاوز 500 شخص أو أقل .

2- مش عاوزه أسمع صوت :
هذه الجملة تدريب هام جدا للتعود منذ الصغر على تقبل القمع والديكتاتورية اللذين ستواجههما طوال حياتك .

3- ماتردش عليا :
دى نصيحة لو التزمت بيها ستكسب مديرك فى العمل .

4- تقعد فى أول صف قدام السبورة :
جملة تعودك على أن تكون فى المقدمة دوما .

5- لو مش فاهم حاجة .. ارفع إيدك وقول للأستاذ مش فاهم ...ماتتكسفش
(فاكرين المدرسين زى اللى كانوا على أيامهم زمان )

6- اللى بيشيل قربة مخرومة بتخر عليه لوحده .

7- ومالها الكتب بتاعت الوزارة .

8- بص كويس وإنت بتعدى الشارع .

9- ماتتأخرش بعد المدرسة وتقعد تصيع مع أصحابك :
دى نصيحة ستحقق لك قدرا من السعادة الزوجية (باعتبار إنك من الشغل للبيت )

10- افرد ظهرك .

11- مافيش مذاكرة على المزيكا ... أو .. بتذاكر إزاى والبتاع ده شغال جنبك .

12- ما تمشيش حافى فى السقعة دى .

13- صليت العصر ..؟! ( إشمعنى العصر ....!!!!!)

14- ربنا يهديك ... ربــنــا يــهــديــك ... أو ... إنك لا تهدى من أحببت .

15- إطفى التليفزيون وقوم ذاكر ... أو ... إطفى التليفزيون وقوم خش أوضتك .

16- إوعى تقول لحد هات لى حاجة .

17- إقفل صدرك .

18- بلاش وقفة فى الشبابيك والبلكونات .

19- كل على مهلك .. وأمضغ كويس .. وماتاكلش وإنت واقف وكل من قدمك متحفش .

20- المسلسل مش هاينفعك ... قوم .

21- كفاية رغى فى التليفون .

22- ماتقعدش قدام المروحة وإنت مستحمى .

23- وإنت فاكر إحنا مستنيين منك حاجة ؟!

24- ماتعليش صوتك .

25- بلاش لعب فى الشارع .

26- يا ابنى اللى ذاكر ذاكر خلاص .. قوم نام .

27- بلاش لعب بالمقص .. بيجيب الفقر .

28- يا ابنى كلم خالتك العيانة .. اسأل عليها .

29- إوعى حد غريب يديلك حاجة تاكلها او تشربها وتاخدها منه .

30- النوم لحد الضهر بيجيب الفقر .

31- إوعى تكدب عليا تانى مرة .

32- لازم تاكل سلطة .

33- لو شوفت خناقة مالكش دعوة بيها .

34- عيب .. لازم تحترم الأكبر منك .

35- كلمنا لما توصل .

36- بلاش أكل بره .

37- لو فلحت ابقى قابلنى .

38- يا ابنى أنت مسطول ولا إيه .

39- إنت فاكرنا نايمين على ودانا .

40- وطى المدعوق ده شوية .

41- قوم إقرالك كلمتين ينفعوك .

42- إيه اللامبالاة والاستهتار اللى إنت عايش فيهم دول .

43- إنت فاكرنا لاقيين الفلوس دى فى الشارع .

44- والله ما إنت فالح .. وآدى دقنى اهيه .

45- ما تتكلمش بصوت عالى فى الحمام .

46- ماتنامش غير لما تغسل سنانك .

47- ماتلزقش فى التليفزيون كده .... نظرك هايضيع .

48- ضرب أمثلة تشجع على الكفاح .. أشهرها :
( أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر أمريكا )

49- سلم على عمك كويس يا ولد .

50- يا ابنى محدش بينفع حد .

51- ماتطلعش إيدك من شباك العربية .

52- قصة الغريق اللى بيكذب اللى كل مرة يقول إلحقونى .. لحد ما غرق .

53- التهديدات المخيفة شكلا .. والكارتونية موضوعا .. مثل :
هاقطم رقبتك ... هاقطع لسانك ... هادبحك دبح.

54- ربنا يرزقك بعيل يوريك اللى وريتهولى .

55- ماتطلعش على الملاية النضيفة ورجليك مش تضيفه كده .
الرجوع الى أعلى الصفحة اذهب الى الأسفل
manal ammar
Admin
avatar

عدد المساهمات : 1018
تاريخ التسجيل : 06/10/2009
الموقع : مصر

مُساهمةموضوع: رد: اشهر جمل بابا وماما   الثلاثاء ديسمبر 22, 2009 8:35 pm

ههههههههههههههههههههههههههه

فعلا يا لولو معاكي حق دول هرونا كلام زي ده بكرة نخلف عيال نطلع عليهم اللي احنا شوفناه معاهم

الرجوع الى أعلى الصفحة اذهب الى الأسفل
http://manalammar.yoo7.com
Layali
عضو ماسي
عضو ماسي


عدد المساهمات : 368
تاريخ التسجيل : 07/10/2009

مُساهمةموضوع: رد: اشهر جمل بابا وماما   الثلاثاء ديسمبر 22, 2009 8:37 pm

رهيييييييييييييييييييييييييييبة فعلا جمل ونصائح بتمر على الاغلبية بعضها مفيد والبعض الاكثر بتخلي الواحد سلبي وماله علاقة في أي شيء في الدنيا لا سياسة ولا مساعدة لمحتاج يسلموا أيديكي موضوع جميل جدا
الرجوع الى أعلى الصفحة اذهب الى الأسفل
LOLO
عضو ماسي
عضو ماسي
avatar

عدد المساهمات : 340
تاريخ التسجيل : 11/10/2009

مُساهمةموضوع: رد: اشهر جمل بابا وماما   الخميس ديسمبر 24, 2009 12:59 am

سبحان الله الكلام ده زى هرمون الحب كده يا منال تقريبا اول ما نبقا امهات هنقوله لا ارادى هههههههه


نورتى الموضوع يا ليالى والمشكله ان احنا ما بننساش حرف وكل كلمة فعلا بتشكل صفه فينا

شكرا للرد يا اعز الناس
الرجوع الى أعلى الصفحة اذهب الى الأسفل
ام طه الجزائرية
عضو جديد
عضو جديد


عدد المساهمات : 11
تاريخ التسجيل : 15/10/2009

مُساهمةموضوع: رد: اشهر جمل بابا وماما   الجمعة يناير 15, 2010 5:47 pm

هذه هي الامهات
الرجوع الى أعلى الصفحة اذهب الى الأسفل
LOLO
عضو ماسي
عضو ماسي
avatar

عدد المساهمات : 340
تاريخ التسجيل : 11/10/2009

مُساهمةموضوع: رد: اشهر جمل بابا وماما   السبت يناير 16, 2010 2:58 pm

اولا اهلاا بيكى يا ام طه
الامهات كنز وسر حياتنا والموضوع لا يقلل من قيمة الاباء فى شىء
الرجوع الى أعلى الصفحة اذهب الى الأسفل
amr abotreka
عضو ذهبي
عضو ذهبي


عدد المساهمات : 186
تاريخ التسجيل : 08/10/2009

مُساهمةموضوع: رد: اشهر جمل بابا وماما   الأحد يناير 24, 2010 8:13 pm

تعرفى يا لولوة والله تذكرت امى

وفعلا كل الى انتى كتباه والله كانت بتقوله

بس انتى مقولتيش الكلام التقيل الى بيقولوه

اقصد المدح الى متنقى يعنى
الرجوع الى أعلى الصفحة اذهب الى الأسفل
LOLO
عضو ماسي
عضو ماسي
avatar

عدد المساهمات : 340
تاريخ التسجيل : 11/10/2009

مُساهمةموضوع: رد: اشهر جمل بابا وماما   الإثنين يناير 25, 2010 10:34 pm

هههههههههههههه عموره المدح ده اسرار بيوت ما اقدرش افضحه Razz
الرجوع الى أعلى الصفحة اذهب الى الأسفل
 
اشهر جمل بابا وماما
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
MANAL AMMAR WORLD :: منتدي منال عمار الترفيهي :: النكت-
انتقل الى: