انا بالنسبالي هتبقي مشكلة طبعا
لان صداقاتي معظمها علي النت و متابعة دروس و ده غير المنتدي و الجروب
وانا عن نفسي مقدرش استغني عنه ابدا لانه الوسيلة الوحيدة قدامي لتقضية وقتي
وما انكرش انه بقي ادمان بالنسبالي و ساعات باجل حاجات كتير علشان اقعد عليه و اتابع
بس بتجيلي ساعات لحظات ملل منه فممكن اخرج او اروح مشوار انا ماجلاه و برجعله و انا حاسة اني هاخد الكمبيوتر في حضني من كتر ما هو واحشني الكم ساعة دول ههههههههههههههه
بجد النت ده انجاز عظيم فعلا و فوايده كتير اوي رغم كل اللي بيتقال عليه
يعني بالنسبة للصداقات مثلا الواحد بيلاقي اصدقاء ليه بنفس الاهتمامات لانهم بيتعرفوا علي بعض داخل المنتديات والجروبات اللي فيها بيتبادلوا الاراء
و حتي الدورات اللي بتتعمل علي النت وفرت فلوس طبعا لانك لو خدتها بره هتبقي غالية
ده غير اشياء كتير يا ريت كلنا نستتغلها ونستفاد منها
واحب اشكركم علي اهتمامكم و ردودكم