منتدي يختص بكل ما يهم الشباب و البنات
 
الرئيسيةالبوابةس .و .جبحـثالتسجيلدخول

شاطر | 
 

 خوفو كان أهلاوي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
hisham_rag
عضو لامع
عضو لامع
avatar

عدد المساهمات : 97
تاريخ التسجيل : 08/10/2009

مُساهمةموضوع: خوفو كان أهلاوي   الإثنين فبراير 15, 2010 12:23 am

خوفو كان اهلاوى

بيقولوا :

خوفو كان اهلاوي وعلشان كده خد أكبر هرم في العالم ومصر

اما خفرع الأصغر منه شويه كان زملكاوي وعلشان كده خد الهرم اللي بعده علطول

اما منكرع فعلشان كان اتحاداوي اسكندراني فحطوه على بداية طريق مصر اسكندرية الصحراوي

وقدموله الهرم الثالث في مصر

على فكرة زوسر ده كان مغضوب عليه عشان كده ادوله هرم بعيد و كان ده بداية عهد دوري المظاليم اللي انبثق منها اندية اسمنت اسيوط و بترول اسيوط و نادي بني عبيد اللي هزم الزمالك (قصدي اللي هزم خفرع)

والقصه دي بتبين لنا مدى شعبية الاهلي والزمالك والاتحاد في زمن الفراعنة

علشان كده بنوا ليهم 3 اهرامات وماكنش لسه في انديه تانيه طلعت غير التلاته دول

ولا انبي ولا اسماعيلي ولا حتى تليفونات بني سويف !

كان يجي الماتش بتاع الاهلي والزمالك وتلاقوا طيبة كلها مش على بعضها

وكل فرعون او فرعونه ينزلوا من على الاهرامات ويطلعوا الصولجانات و يعلقو فيها أعلام البردي

او كانوا بيتفرجوا بالوصله الكتان وهما في المعابد بتاعتهم بيشربوا شيشة لوتس ( شيشه فرعوني )

كان الفراعنه بيحبوا تعليق علاء صادق يع ومحمود بكرع وميمي رع اما مدحت شلب مون مكنش لسه ظهر لانه في قناة مودرن اللي هي طبعا تبع العصر الحديث

مره منتخب الفراعنه كان بيلاعب منتخب الهكسوس والدنيا كانت مقلوبه في تصفيات مسلة العالم

كانت ساعتها الكوره في العالم في 5 دول بس : الفراعنه ابطال العالم ومنافسهم اللدود الهكسوس

والرومانيين والفرس والبربر

والهكسوس دخلت فينا جون بدري على ارضنا

و طبعا الحكم مكنش فاهم حاجة لانهم كانو بيشتمو بالهيروغليفي

وفاجأه لاقينا جماهير خوفو ( الاهلي ) بتشتم في شحاتايزييس وبتحدفه بالتماثيل النارية (اللي اتسمت شماريخ بعد كده) في الملعب

وفاجأه لاقينا جماهير خفرع ( الزمالك ) بيشتموا في حضري أتون وبيحدفوه بالبصل لانهم مكنوش لسه اخترعوا البطيخ

وملحوظه ان شحاتايزييس كان مساعد المدير الفني أبو الهول

لان ابو الهول هو اللي كان ماسك منتخب الفراعنه ساعتها

وحضري أتون بعد الماتش احترف في الهكسوس بعد تألقه ومات مدفون في تابوت هربان لسويسرا

واليوم ده في التاريخ اصلا كان سبب الحرب بين الفراعنه والهكسوس

علشان فيه شمروخ (مفرد شماريخ) غلط على أفا واحد من مشجعي الهكسوس

وطبعا انتم عارفين أحمس عمل ايه فيهم ( يقال ان ابو تريكه من سلالة أحمس * )

والحمد لله ان الفراعنه قدروا يحولوا الهزيمه الى نصر والجماهير الاهلاويه الزملكاويه

بدل ما ينزلوا يحتفلوا : نزلوا الملعب يضربوا في اللاعيبه وفي بعض

وكان القطرين ساعتها قطر زملكاوي تبع خمسة عقبة ( لما كترو بعد كده سموهم ميت عقبة) وقطر اهلاوي تبع جزيرة أبو تريكة

قطر الاهلي كان فودافون ومشروبهم البيبسي وقطر الزمالك كان موبينيل ومشروبهم الكوكاكولا

المهم ان البلد كان كلها تعصب للساحرة المستطيلة

وعلشان التعصب ده كان اي لاعب يتنقل من خوفو لخفرع كانوا بيقتلوه و يحنطوه ويحطوه في تابوت

والعكس صحيح وعلشان كده لاقينا العديد من المومياوات للفراعنه من عصر خوفو وخفرع

ولكن في نهاية عصر الفراعنه اراد الحاكم ان يقضي على كل ما هو متعصب

فبنى الاهرامات الثلاثه ودفن كل مشجعي الانديه الثلاث في مصر فيها

ومافضلش منهم غير واحد بس كان مسافر وعلشان كده الفراعنه كلهم اسرار ماحدش عارفها

المهم علشان مانخرجش بره الموضوع

ان الواحد المسافر ده الناجي الوحيد منهم التاريخ لم يحدد هويته

فيه برديات بتقول انه كان اهلاوي

وفيه برديات بتأكد انه كان زملكاوي

و يقال كمان انه اسمه جدو اللي احنا مش عارفينله أهلاوي و لا زملكاوي

اما المعابد فكتبت انه كان مالهوش فيها ولكنه لما رجع تعصب من ما حدث للشعب

وقرر ان يشجع الاهلي ومراته أعترضت و حلفت براس نفرتيتي اللي في المانيا و مش عارفين نرجعها انها تطلع زملكاويه ومن هنا عاد الصراع مره اخرى !

ولكن بفكر حديث ومن ثم بدأ عهد المماليك والتاتار وقطز ومحمد علي و زكي جمعة (مين زكي جمعة ده؟)

وانتشرت شعبية الاهلي والزمالك اكثر واكثر
الرجوع الى أعلى الصفحة اذهب الى الأسفل
manal ammar
Admin
avatar

عدد المساهمات : 1018
تاريخ التسجيل : 06/10/2009
الموقع : مصر

مُساهمةموضوع: رد: خوفو كان أهلاوي   الثلاثاء فبراير 16, 2010 10:54 pm

ههههههههههههههه

صباح الخير بالليل

حرام عليك انا دماغي لفت من اللي قريته

الحمد لله اني مكنتش موجودة في العصر المنيل بالنيلة ده
الرجوع الى أعلى الصفحة اذهب الى الأسفل
http://manalammar.yoo7.com
Layali
عضو ماسي
عضو ماسي


عدد المساهمات : 368
تاريخ التسجيل : 07/10/2009

مُساهمةموضوع: رد: خوفو كان أهلاوي   الإثنين أبريل 19, 2010 2:50 pm

هههههههههههه حلوة هشام
الرجوع الى أعلى الصفحة اذهب الى الأسفل
 
خوفو كان أهلاوي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
MANAL AMMAR WORLD :: منتدي منال عمار الترفيهي :: النكت-
انتقل الى: