منتدي يختص بكل ما يهم الشباب و البنات
 
الرئيسيةالبوابةس .و .جبحـثالتسجيلدخول

شاطر | 
 

 عروسة ومحتارة 2

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنوته مسلمه
عضو جديد
عضو جديد


عدد المساهمات : 11
تاريخ التسجيل : 31/03/2010

مُساهمةموضوع: عروسة ومحتارة 2   الأحد أغسطس 01, 2010 10:17 am

لسة مكملين معامكم وتوبيك جديد من عروسة ومحتارة النهاردة هنكمل باقى الاستعدادت وهنتكلم عن الشعر ازاى تهتمى به طبعا بعد ظهور الكرايتين اتجهت الكثير من البنات خصوصا العرائس على عمله لانه بيضمن شعر ناعم ولامع علطول وبتبقى مش محتاجة انك تعملى شعرك عمال على باطل بتكتفى ببعض لمسات من البيى ليس وبس فممكن تعملى كرايتين لو عايزة شكل كويس بس ازاى تختارى الكرايتين طبعا لو انتى لى هتشترى الكرايتين يبقى لازم تجيبه من مكان مضمون وكويس وفيه حد من اصحابك اتعامل معاه قبل كده ولازم تختارى نوع فى فورمالين قليل لايتعدى ال2% حتى لايضر بصحتك وطبعا الكرايتن الصحى هو الى مش بيفرد الشعر اوى بيطرى فقط وبيعطى لمعة حلوة وبيخلى شعرك مش هايش اما الى بيفرد خالص بيبقى جوه مادة فرد قوية بلاش منه احسن وطبعا مهم لنجاح الكرايتين انك تعمليه عند حد فاهم ومضمون وللاحتفاظ به لاطول فتلرة ممكنة فى شعرك استعملى شامبوهات وحمامات كريم مخصصة للكرايتن او استعملى شامبو جانسون للاطفال اما البنات الى مش محتاجة تعمل كرايتين ازاى تهتم بشعرها لازم توقفى خالص عمل شعرك قبل الفرح على الاقل شهرين وتكتفى بغسلة بنوع كويس من الشامبوهات وعمل حمام كريم كل اسبوع او مرتين فى الاسبوع على حسب حالة شعرك ولو شعرك مقصف جربيه تحطى لمدة اسبوعين كل يوم ليلا على الطراف كمية من زيت الزيتون البكرولو شعرك جاف جدا ممكن تجطى القليل من حمام الكريم على اطراف شعرك وهوناشف وتغسليه الصبحوطبعا بعد الحمام استعملى سيروم من ماركة كويسة عشان يغذى شعرك ويديكى لمعة حلوة وطبعا لو قدرتى تخدى فيتامين مخصص للشعر ياريت فعلا هيفرق جدا فى صحة شعرك وبالنسبة للبنات الى شعرها ضعيف وبيتساقط لازم تعملى تحليل دم وتتاكدى ان الموضوع مش داخلى لان ممكن يكون عندك انيميا لانها اكتلر حاجة ممكن تسبب سقوط الشعر صدقونى اغلبية البنات الى عندها مشكلة فى سقوط الشعر بتيقى انيمياما ينفعش اهتم من الخارج واسيب صحتى تعبانة وطبعا لازم تحطى لوشن مخصوص لتساقط الشعر بيدعك به الفروة لمدة 10 دقائق بطريقة مساج دائرى حتة يتشربه فروة الراسوتهتمى جدا باكل الخضروات ولفواكه وطبعا الاسماك لانها تحتوى على زيوت اوميجا 3 الى بتحسن من ملمس البشرة والشعر
بعد ذلك لازم تختارى كوافير كويس عشن يصبغ شعرك من غير ما يضره ولازم تختارى لون شعر يتناسب مع لون لبشرة وشخصيتك طبعا بلاش تبعدى اوى عن لون شعر ك الحقيقى يعنى مش يبقى اسود تخليه مرة واحدة اصفر لان الموضوع ده مهلك جدا للشعر مهما كان الكوافير متمكن وشاطر وطبعا لازم تصبغى شعرك قبل الفرح بكام يوم عشان لو الون ماعجبيكيش تلحقى تغيريه ولو هتعملى كرايتن اعمليه بعد الصبغة احسن مش قبليها
هنيجى لشئ اخر بالنسبة للبنات الى مش محجبة لازم تتفقى مع الكوافير قبلها على شكل التسريحة سواء هترفيعه اوهتسيبه وطبعا هتلبسى الطرحة ازاى ولازم تراعى شوية حاجات فى اشنيواه لو عريسك قصير ما ينفعش تعملى شنيوة مرتفع وهكذا الحال لو كان وجهك طويل لان الشنيواه المرتفع هيزيد وجهك طولوطبعا لازم تختارى الاكسسورات الى هتحطيه بدقة بالغة سواء ستراس او ورود بيضاء رقيقة وطبعا كل لما ملتى للبساطة كل ما كنتى اجمل بكتير
الرجوع الى أعلى الصفحة اذهب الى الأسفل
manal ammar
Admin
avatar

عدد المساهمات : 1018
تاريخ التسجيل : 06/10/2009
الموقع : مصر

مُساهمةموضوع: رد: عروسة ومحتارة 2   الثلاثاء أغسطس 03, 2010 9:50 pm

ايه الحلاوة دي يا مي بس فعلا الشعر عايز اهتمام خاص و قبلها بفترة كبيرة علشان يتحسن

مشكورة يا قمر علي المواضيع الجميلة
الرجوع الى أعلى الصفحة اذهب الى الأسفل
http://manalammar.yoo7.com
 
عروسة ومحتارة 2
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
MANAL AMMAR WORLD :: ركن بنات المنتدي :: العناية والجمال :: العناية بالبشرة (الوجه - الجسم)-
انتقل الى: