كيفية عمل الحناء فى الايدى؟

كيفية عمل الحناء فى الايدى؟

أولا لازم تشتري نوعية حنا كويسه لانه مش أي نوع بتنحط على الأيدي بتنفع ممكن تسألي عن الحنا السودانيه عند العطارين أو الحنا اليمنيه كمان كويسه
ثانيا هناك حالتين لوضع الحنا وهي ياإما تجيبيها جاهزه ومعجونه ومعموله في كيس على شكل قمع ووقتها ماراح تحتاجي إرشادات لوضعها لانك حتحطيها على إيدك على طول وتستني لحد ما تنشف
أما الحاله الثانيه لوضع الحنا فإنك تشتريها بودره من النوعيه اللي ذكرتها ليكي وتقومي بعمل الآتي::
1-تنخلي الحنا في صحن واسع بمنخل عادي وبعدين تجيبي قطعة قماش خفيفة ممكن لو عندك طرحة قديمه سوداء اللي بتغطي الشعر..المهم تحطي الحنا المنخوله في الطرحه وتبدأي تنخليها مره ثانيه علشان تطلع أنعم وتتخلص من شوائبها..
2-تجمعي كميه كافيه لحنا اليدين وتحطي عليها مويه مغليه شويه شويه وإنت بتحركيها لحد ما تتجانس وتصير كتله واحدة
بس انتبهي تكثري المويه يعني خليها بقوام العجينه اللينه بحيث لو أخذتي باصباعك لقمه منها تمسك بإيدك وما تسيل
يعني لازم تكون متماسكة مش سايحه
3-بعد كذا غطيها لحد ماتبرد
4-إذا بردت عجينة الحنا جيبي دوا الحنه أسمه المحلبيه موجود عند العطارين كمان فيه دوا ثاني أحسن منه ونتائجه مدهشة إسمه السرتيه بيستخدموة السودانين في حنتهم وتطلع غامقه وحلوه المهم تحطي الدوا بمقدار غطاء أو غطائين وتحركيهم جيدا عشان يقوي اللون
5-ياريت تكوني اثناء وضع الحنا في مكان جيد التهويه عشان ريحة الدوا ماتصير مزعجه ليكي اوللموجودين فنفس المكان
6-إذا كنت تبغي تحطي الحنا على أصابعك بدون نقش إبدئي العمل فورا أما إذا كنت تبغي تعملي نقش فضروري تعملي
كيس للحنا وهو عباره عن القمع اللي بيحطوا الحنا فيه وبيرسموا فيه الحنا على اليد أكيد سبق وشوفتيه المهم إذا مش عارفه تعملي الكيس إليكي الطريقه:::
#اولا تجيبي كيس نايلون مقوى يعني زي كيس المنتجات الورقيه او أكياس الي بتوضع فيها المواد الغذائيه من النوع المتين وليس الخفيف عشان يكون سهل القص وما ينفتح أثناء وضع الحنا المهم تقصيه على شكل مربع وذا كنت تبغي تعملي كيس الحنا صغير صغري مقاس المربع وإذا كانت الكميه كبيره خلي مقاس المربع اكبر وبعدين لفي المربع الورقي على شكل قمع بحيث يكون مقفول من تحت وواسع من فوق وحاولي تلفيه كم لفه عشان الحنه ماتطلع منه اثناء الإستخدام
#وبعدين لصقي الكيس من الجوانب بلاصق قوي (شريط لاصق)ودوري اللصق حول الكيس تماماواتركي الكيس مفتوح من الأعلى عشان تحطي بداخله الحنا المعجونه
#بعد كذا حطي بملعقه صغيره الحنا شويه شويه بداخل الكيس لين يقرب لحد الامتلاء بس لا تمليه تماما سيبي مجال عشان يتقفل الكيس كويس
#وآخر حاجه لفي اطراف الكيس من فوق تماما وامسحي بقايا الحنا من اطرافه وحطي اللصق والمكان جاف مع مراعاة هز الكيس وتحريكه قبل غلقه حتى يخرج الهوا
#وبمقص حاد وصغير قصي طرف القمع وانتبهي تكون القصه كبيره قد ماتقدري خليها صغيرة مثل دقة الإبرة عشان يطلعلك النقش نحيف و(رشيق)
#إذا عندك نقشات حلوه إبدأي ارسمي على اليدين وممكن إذا كنت من هواة رسم الحنا إنك تجيبي دفتر رسومات للحنا بينباع في الاسواق واختاري الرسمه اللي تعجبك على اليدين او القدمين وطبعا عشان الشغلانه الطويله ذي في عمل الحنا والكيس فإنتي تقدري تعمليها من بدري وتعملي اكثر من كيس للحنا وتحطيهم بداخل علبه بلا ستيكيه في الفريزر
عشان ماتطلع ريحة الدوا للمواد الغذائيه وكمان تقدري تحتفظي بيه مجمد لشهر اواكثر شويه بدون مايفقد مفعوله وقبل الإستعمال طلعيه من الفريزر عشان يذوب ويرجع لقوامه
#في حالة إذا ماكنتي راغبه في عمل الكيس أو ماحبيتي هاالطريقه فممكن تلاقي بالاسواق لصائق نقش الحنا بحيث تفتحي اللصقه المنقوشه والنقش يكون مفرغ من الداخل وتلصقيها على إيدك ثم تضعي الحنا مباشرة فوق اللصقه وتستني لحد ماتنشف وتقومي بإزالة الحنا واللصقه بعده وتظهر لك النقشه واضحه وبكل سهوله
#لا تنسي آخر مرحله بعد ماينشف الحنا تقريبا ياخذ ساعتين فتتيه بإيدك و إنتبهي تغسليه لكن حطي عليه ليمون مخلوط بشوية سكر وخليه دقائق معدودة ثم امسحي ايديكي بالفكس أظن انه معروف يستعمل للزكام حطي شويه على النقش وادهنيه وبعدها خلاااااااص خلصنا وتقدري تغسليه بعد هذه المرحله ...
واللي مش فاهم حاجة يقولي و انا افهمه

ودي بعض الرسومات يا رب تعجبكم

[b]

[/b]

روعة ماشاء الله كثير حلوين الرسمات انا كنت زمان اعملها بس رسمات صغيرة جدا وقليلة
مو مثل رسمات السودانيين والهنود بيملوا الايدي كلها بس بعد ما اشتغلت بطلت اعملها لاني
بخجل ارسم الايدين والكل يتفرج مع انه هذا الشي كثير طبيعي بالامارات بس احنا بالعراق هذا
الشي غير دارج ابدا الحنا بالنسبة لينا هي للشعر وبس والستات الكبار يحنوا رجليهم فقط بدون
رسومات والعرايس مجرد يحطوا قليل جدا في وسط اليد يعني كعادة بس يوم حنة العروس وبدأت
هذه العادات تنقرض كليا وخصوصا في العاصمة والمدن الكبيرة اما في الريف فمازالت موجودة
شكرا منال موضوع جميل جدا

» كيفية معاملة الاصغر سنا
» شرح كيفية إخفاء الدرايفر وإسترجاعه
» كيفية حذف برنامج غير موجود فى البرامج
» شرح كيفية اختراق الأجهزة بالطرق السلمية ..
» شرح كيفية إضافة الفرش ببرنامج الفوتوشوب