الجلاش بحشوة البيتزا وصفتي انا من ايديا تعالو دوقوها

طبعا جايين تدوقو
يا اهلا بيكم وبالف هنا وشفا مقدما
زي ما عودتكم بجيب لكم وصفة اكون انا بعملي وصفتي الخاصة يعني
بس الصور بقي مش من عندي لانه مطبخ ماما وديمقراطية مني
مش بصور طبقا للاتفاقيات الدبلوماسية هههههههههههههههههههه
ندخل عالوصفة

المقادير:
لفة جلاش جاهز في السوبر ماركت
3 حبة فلفل الوان او فلفل رومي اخضر
3 حبة طماطم متوسطة تقطع وننزع العصير الذي بداخلها (هيطري الجلاش فبلاش منه)
1/8 كيلو جبنة رومي
زيتون اسود مقطع
2 ملعقة صلصة طماطم ونتبلها بالملح والفلفل والكمون وقليل من الخل (اختياري)
2 بيضة
1 كوب لبن كبير
زيت للدهن

الاضافات المتاحة:
لحم مفروم معصج
فراخ مسلوقة ومقطعة
سجق او سوسيس مستوي ومقطع
اي حشوة تريدينها
الطريقة
نجهز المكونات نقطع الطماطم والفلفل مكعبات
في اناء نقوم بخلط اللبن مع البيض جيدا حتي يمتزجو ويتبل بالملح والفلفل
وناخد بالنا من كمية الملح لان فيه جبنة رومي وزيتون وهم مالحين اصلا
نفرد الجلاش علي الطاولة
نحضر صانية فرن عالية الجوانب (متكنش تيفال ولا اي خامة قابلة للخدش)
ندهنها بالزيت ونفرد الجلاش وبين كل ورقتين ندهن زيت خفيف بالفرشة
الي ان نفرد نصف كمية الجلاش
ندهن الجلاش بالصلصة المنكهة ونضع الفلفل والزيتون والطماطم بالتساوي
نضع الجبن الرومي المقطع لمكعبات صغيرة
نفرد باقي الجلاش وبين كل ورقتين دهن زيت قليل الي ان تنتهي اللفة كلها
يقطع الجلاش الي مكعبات بالسكين
يقلب اللبن والبيض مرة اخري للتاكد من توزيع التوابل
يصب اللبن والبيض علي الجلاش التساوي وتاكدي ان اللبن غطي الجلاش كله تماما
اتركيها قليلا تتشرب
وادخليها الفرن الساخن حتي يصبح وجهها دهبي داكن
اخرجيها وقدميها مع كول سلو او سلطة خضراء او سلطة بطاطس
وجربوها يارب تعجبكم